#有食譜
雖然就快到中秋，話就話到秋天，但其實一啲秋意都無，天氣唔係勁落雨就係熱死人，成日都會想食涼拌小食。早排成日周末都會整定啲醉乜乜醉物物，擺定響雪櫃，平日放工返嚟煮個麵都有餸加，唔洗淨麵咁dry！
整醉蛋真係試咗好多坊間嘅食譜，終於比我集百家之大成，整咗個我最滿意嘅食譜出嚟，呢個醉乜乜食譜。基本上係嚟浸蛋又得，浸鮑魚都得。我加咗香葉同埋八角去煮滷水，加埋普通紹興花雕酒去浸，最緊要係調味，我用咗純素魚露，味道係幾夾架！大家不妨試吓。
呢個食譜大家可能會問點解落咁多香葉同八角，乜八角唔係落一粒就夠味咩？係咁嘅，平時炆嘢落一粒或一兩片香葉的確係幾夠味，但炆嘢同煮滷水時間唔同，滷水只煮15分鐘，所以我落多啲，令到香味更突出。大家如果試完，又或者有咩你地嘅醉乜食譜，不妨都同我分享一下！
**立即like我嘅ig @mrswongskitchen 追蹤更多即時好煮意！
Search